Rydvall / Mjelva / Carr @Fjordamattunet

Vegane deira har kryssa kvarandre mange gonger, og lenge snakka dei om å gjere noko saman. Først etter fleire år bestemte Olav Mjelva, Erik Rydvall og Ale Carr – tre markante namn på den nordiske musikkscena – seg for å bli ein trio.

Med hardingfele, nøkkelharpe og cister utforskar dei det rike og intrikate uttrykket i nordisk folkemusikk. Repertoaret har dei med seg heimanfrå. «Kvar slått vi spelar, er eit vindauge mot det fysiske og musikalske landskapet vi kjem frå», seier Erik Rydvall.

Her blir det både polka og polska, ofte med streif av kammer- og barokkmusikk.

Sal av mat og drikke.

Gratis buss til deg med konsertbillett frå Førdehuset kl 14.15, med retur etter konserten.