Jazzkonsert med Briotrio!

Briotrio spelar folkeleg, moderne jazz i skjæringspunktet mellom amerikansk swing, nordiske jazztradisjonar og afrikansk inspirasjon. Musikken har eit akustisk sound, eit lyttande samspel og svingande groove. Trioen har som motto å leike med kvarandre sine låtar, og i leiken kjem kvar enkelt si musikalske stemme til uttrykk.

Musikken kombinerer eit uttrykk prega av kreativitet med eit ynskje om å vere folkenært og lettfatteleg. Med fengande melodiar, leikne soloar og eit telepatisk samspel skapar dei ei nær konsertoppleving for kvar enkelt i publikum.

Trioen starta opp i 2015 i Bergen, og har halde på sidan. Dei har sluppe to album på AMP Music & Records, og slapp si seinaste plate “Voyage” på Losen Records 30. mai 2025. Musikarane har utdanning frå universitet i Noreg, Sverige og Sør-Afrika, og driv som utøvande musikarar i fleire prosjekt.

Ingrid Øygard Steinkopf – piano
Thomas Aurlund Lossius – kontrabass
Arne Skorpe Sjøen – Trommer, Vokal