Familiekino: Monsterfabrikken

• Billettsalet startar 4. sep 2026 kl. 10:00 -

Sparebanken Norge har gleda av å invitere til familiekino!
Denne gongen viser vi animasjonsfilmen Monsterfabrikken. Kinobilletten kostar berre kr 30, og inkluderer 1 melkerull og 1 mineralvatn.

Takk til Sparebanken Norge!
Filmvisinga er finansiert av Sparebanken Norge og blir arrangert i samarbeid med Oseana kunst- og kultursenter og Bygdekinoen. Billettinntektene går til eit veldedig formål: Prosjekt Hjartetre i Bjørnafjorden. (ekskl. avgift).

Om filmen:
I eit slott på toppen av ein ås med utsikt over landsbyen Grubbenubben bur Stinghode. Han er den første skapningen til ein galen vitskapsmann som er besett av å skape monster. Etter kvart som vitskapsmannen lagar nye monster, overser han dei gamle. Stinghode passar på alle monstera og lærer dei å oppføre seg, aldri forlate slottet og ikkje tiltrekkje seg merksemd, i frykt for ein rasande folkemasse.
Ein dag kjem eit omreisande sirkus til byen, og direktøren er på jakt etter den neste store attraksjonen sin. Han blir bergteken av Stinghode og prøver å få han til å forlate slottet i byte mot mogleg berømmelse. Stinghode takkar først nei til tilbodet og ber han ryke og reise, men når han innser at professoren ikkje lenger legg merke til han, takkar han ja likevel, til stor fortviling for dei andre monstera.
Offisiell filmtrailer på engelsk: https://www.youtube.com/watch?v=4JrJtrGMrEw&t=10s

Praktisk informasjon:
• Varigheit: 1 t. 31 min.

• Aldersgrense: Ingen aldersgrense oppgitt

• Språk: norsk

• Filmpremiere: 2. oktober 2026

• Billettar: Maks fem billettar per kunde