Fredagskveld i Saloonen - Utvandringsfestivalen 2026
Årets Utvandringsfestival opnar med konsert i festivalteltet The Plain Saloon. På Præriesessions får unge stemmer ei scene. Deretter blir det songar på strilemål og ein god dose humor med Fela Bale: eit rockeband frå Radøy som spelar sjølvlaga humoristiske songar. Fredagskvelden i Saloonen opnar årets Utvandringsfestival med eit smell! Vi startar med Præriesessions der unge stemmer får ei scene. Her er plass til fleire: ta kontakt om du vil opptre. Så blir det humor, alvor og høgt tempo med ein gjeng som vil fortelja om livet i grønare strøk: Fela Bale er eit rockeband frå Radøy som spelar sjølvlaga humoristiske songar. Bandet består av radværingane Joakim Mangerøy Helland, Stian Lervik, Henrik Kleveland og Eivind Lervik. Bandet sine songar har eit skråblikk på lokalmiljøet, kvardagen og oppveksten «nordom brune». God driv, songar på strilemål og ein god dose humor kan ein forvente når Fela Bale set i gong!