Festivalcamping Hilme-26
Jørn Hilme-stemnet har sin eigen festivalcamping midt i Fagernes sentrum. Foto: Ingvil Skeie Ljones Campingen ligg på den gamle idrettsplassen nede ved Strondafjorden. Her har vi plass til både bubilar, campingvogn og telt. Festivalcampingen har tilgang til straum, vatn og garderobeanlegg, i tillegg er det eit stort telt der som kan nyttast som samlingsplass. Festivalcampingen ligg sentralt plassert midt i mellom Valdres folkemuseum, Trykkeriet kulturarena og Fagernes kulturhus. Det er gåavstand frå campingen til alle arenaene i Fagernes. Parken er nyleg renovert, så det er flotte omgjevnadar for camping! Telt kostar 400 kroner onsdag til søndag, og prisen inkluderer bruk av garderobeanlegg. Bubil/campingvogn kostar 1.500 kroner onsdag til søndag, inkludert straum og bruk av garderobeanlegg. Vil de tinge overnatting for ei kortare periode, er det også mogleg. Prisen er då 150 kroner per natt for telt og 400 kroner per natt for bubil/vogn. All overnatting må betalast via Ticketco, anten på nett eller på festivalkontoret. Det er diverre ikkje høve til å betale på campingen. Festivalcampingen er open frå onsdag 9. juli kl. 13.00 til sundag 13. juli. Har du spørsmål, ta kontakt med Ivar Hemsing på tlf. 481 28 610. Når du kjøper billett til campingen, får du ei digital kvittering. Denne viser du på campingen, så får du eit merke som viser at du har betalt. Dette heng du lett synleg på telt/vogn. Velkomen!